තිස්‌ වසරකට පසු සිදුවන සෙනසුරු මාරුව ඔබට රටට කොහොමද?

මෙම ඔක්තෝබර් 26 දා සවස 03.30 ට සෙනසුරු ග්‍රහයා නැවත ගුරු හිමි ධනු රාශියට ප්‍රවේශ වෙයි. මේ වසරේ ජනවාරී 26 දා සෙනසුරු මුලින්ම ධනු රැසට ගිය නමුත් අප්‍රේල් 06 දා සිට වක්‍රව ගමන් කරමින් වෘශ්චික රාශිය දක්වා පසුබැස මාස 06 ක කාලයක් එහි ගත කෙළේය. විශ්ව කේන්දරයේ 08 වැන්න වූ විසකුරු වෘශ්චිකය සෙනසුරු ග්‍රහයාට හිතකර නොවූ මර්මස්ථානයකි. එය ශ්‍රී ලංකා කේන්දරයෙන් 10 වැන්න වෙයි. මේ හෙයින් පසුගිය වසර තුනකට ආසන්න කාලය සමස්ත ලෝකයටත් ශ්‍රී ලංකාවටත් බොහෝ අනතුරු උපද්‍රව ආදියට මුහුණ පෑමට සිදුවිය. ස්වාභාවික විපත් සාගත නියං යුද්ධ කැරලි කෝලාහල විරෝධතා ආදියෙන් ලෝක සාමයට සහ විශේෂයෙන්ම ආර්ථික දේශපාලන ස්ථාවරභාවය කෙරෙහි එමගින් ඉමහත් අනර්ථයක් සිදු කෙළේය.

කෙසේ නමුත් ලබන ඔක්තෝබර් 26 දා සිට කෙමෙන් කෙමෙන් එකී සෙනසුරු අපලය හමාර වී යනවා පමණක් නොව විශේෂයෙන්ම 2018 වර්ෂයේ මාර්තු මාසයේ සිට ලෝකයටත් ශ්‍රී ලංකාවටත් සෙනසුරු විසින් ස්වර්ණමය යුගයක් උදාකර දෙනු ලැබේ. ආර්ථික සහ දේශපාලනමය ස්ථාවරභාවයටත් ලෝක සාමයටත් එයින් සුවිශේෂ ජයග්‍රහණ හිමිවෙයි. විශ්ව කේන්දරයේ 09 වැන්න වූ ගුරු හිමි ධනු රාශිය සෙනසුරුට ඉතා යහපත් ස්ථානයක් වන අතර වඩාත් සාමකාමී සහ පෙරළිකාර සිදුවීම් මාලාවකින් සමස්ත ලෝකයම වඩා යහපත් තැනක් බවට පත්වෙයි. ශ්‍රී ලංකාවේ කේන්දරයෙන් 11 වැන්න වූ භාග්‍යමත් අයස්ථානය වූ ධනුව සෙනසුරුට තම සුබපල උදාකර දීමට උචිතම ක්ෂේම භූමියකි. එහි ආසන්න ප්‍රතිඵලය වන්නේ රටේ සහ රටවැසියින්ගේ අදායම් මාර්ග ආර්ථික ශක්තිය සහ භවබෝග සම්පත් නොසිතු විරූ ලෙස සමෘද්ධිමත් වීමයි.

මේ ස්වර්ණමය අවස්ථාව ශ්‍රී ලංකාවට හිමි වන්නේ වසර තිහකට පසුවයි. සෙනසුරුට සාපේක්ෂව ගුරු රාහු සහ යුරේනස් යන ග්‍රහයන් තිදෙනා ද ගෝචරයෙන් ශ්‍රී ලංකාවට ඉතා වාසිදායක ලෙස ස්ථානගතව සිටින හෙයින් ඉදිරි වසර දෙක හමාරක කාල පරිච්ජේදය තුළ ශ්‍රී ලංකාව සෑම අතකින්ම විප්ලවකාරී පරිවර්තනයන්ට ලක්වන අතර එයින් සමස්ත රටම නව ප්‍රබෝධයකින් නැගී සිටිනු ඇත.

ශ්‍රී ලංකා කේන්ද්‍ර සටහනේ සෙනසුරු 11 වැන්නේ ධනු රාශි ගතවීම නිසා රජය රටේ සාමය, යුක්‌තිය, සදාචාරය කෙරෙහි විශේෂ උනන්දුවක්‌ දක්‌වයි. මේ සඳහා විරුද්ධවාදීකම්ද ගලා එයි. සටන්කාමී නොවන අතර යුක්‌තියට පිටුපා කටයුතු නොකරයි. විරුද්ධ මත දරන අය කෙසේ හෝ අවනත කරගනී. රටට ජාතියට ආගමට හිතැතිව කටයුතු කරයි. සිසු අරගල සමථයකට පත්වේ. කෘෂිකාර්මික ක්‍ෂේත්‍රයේ ප්‍රබෝධයක්‌ ඇතිවේ. මහජන සේවා කටයුතුවලදී කරදරවලටද භාජනය වෙයි. විදේශ ආධාර හා ජාත්‍යන්තරයේ හිතමිත්‍රකම් වැඩිවෙයි. කිසිවකුගේ කීමට හෝ විරුද්ධවාදීන්ට හෝ යටත් නොවේ.

බොහෝ දෙනා බොහෝ සෙයින් කතාබහ කළ සෙනසුරු මාරුව ලබන ඔක්තෝබර් 26 දා ගුරුදා සවස 03.30 ට සිදුවෙයි. එහෙත් මෙහි සුබ අසුබ බලපෑම පුද්ගලයාගෙන් පුද්ගලයාට වෙනස් ලෙස දැනෙනු ඇත. එකම දිනයේ එකම ලග්නයෙන් උපන් දෙදෙනකුට පවා එහි ප්‍රතිඵල අත්වන්නේ දෙයාකාරයකට ය. සාම්ප්‍රදායික ජ්‍යොතිෂයේ එන පලාඵල කථනයන් වටහාගත යුතු වන්නේ ඒ සීමාවට යටත්වය. අප මෙහිදී සෙනසුරු මාරුව පිළිබඳව ටොලමියානු ක්‍රමවේදය අනුව ඉදිරිපත් කරන පලාඵල කථනය සඳහා තෝරා ගෙන තිබෙන්නේ ද පොදු රාමුවක් බව සැලකිය යුතුය.

මේෂ ලග්නය

ඔබ අයත් වන්නේ විශ්වයේ අග්නි ත්‍රිත්වයට යි. සෙනසුරු වායු බලැති ග්‍රහයෙකි. අග්නිය සහ වායුව යනු මිතුරු ප්‍රතිපෝෂක සංයෝගයකි. පසුගිය කාලයේ සෙනසුරු ගමන් කෙළේ ඔබට සතුරු බලැති ජල රාශියක් වූ වෘශ්චිකයේ ය. ලබන 26 දා සෙනසුරු පැමිණෙන්නේ ඔබට ඉතා මිතුරු ගිනි රාශියක් වූ ධනුවට ය. ඔහු එහි සිට ඔබේ කේන්දරයේ ඉතාම බලවත් 01-05-09 අග්නි ත්‍රිකෝණය අංශක 120 සුබ දෘෂ්ටියෙන් උත්තේජනය කිරීම දශකයකට වරක් පමණක් උදාවන වාසනාවන්ත අවස්ථාවකි. එය ඉදිරි වසර දෙක හමාරක කාලය තුළ ඔබට ඉතා යහපත් ජීවන තත්ත්වයක් උදාකර දෙයි. ආත්ම ශක්තිය /පෞරුෂය /දරා ගැනීමේ හැකියාව / රැකියාව සහ ආදායම් මාර්ග / මානසික තෘප්තිය සහ ප්‍රඥාව / ආගමික සහ ආධ්‍යාත්මික දියුණුව / යන සියලු අංශයන් වෙතින් ඔබ මේ කාලයේදී කැපී පෙනෙන ප්‍රගතියක් අත්කර ගනු ඇත.බුද්ධිමත්ව කටයුතු කරගනී. අයුතු ක්‍රියා මාර්ගවල නොයෙදෙයි. ඉවසිලිවන්තයි. ආගම දහමට ලැදියාවෙන් කටයුතු කරයි. වගකියයුතු නිලතල දරයි. අන් අයගේ ප්‍රසාදයට ගෞරවයට ලක්‌වෙයි. වැඩිහිටියන්ගෙන් ප්‍රධානීන්ගෙන් උදව් ලැබේ. රහසිගත ක්‍රමවලින් හම්බ කරගනී. ඇතැම් අවස්‌ථාවල තම තත්ත්වයට නොගැළපෙන කටයුතුවලද යෙදෙයි. පියාට අපලයි. දියවැඩියාව, වාත අමාරු වැළඳිය හැකිය.

වෘෂභ ලග්නය

ඔබ අයත් වන්නේ විශ්වයේ පඨවි බල ත්‍රිත්වයට යි. සාම්ප්‍රදායික ජ්‍යොතිෂය අනුව සෙනසුරු ඔබේ යෝග කාරක සුබ ග්‍රහයා වන නමුත් මෙහිදී ඒ තත්ත්වය අහෝසි වෙයි. ඒ වෙනුවට සෙනසුරු තම භූමිකාව නිවේදනය කරන්නේ ඔබට පසමිතුරු ලීලාවකිනි. ඔබේ ලග්නයෙන් 08 වැන්න වූ ධනුව ද ඔබට මිතුරු නොවන ගිනි රාශියකි. එහි තැන්පත්වන සෙනසුරු ඔබේ කේන්දරයේ ඔබට සතුරු 04- 08- 12 යන මර්මස්ථාන උත්තේජනය කරනු ලැබේ. මෙය ඔබේ ලෞකික ජීවිතයේ සුව පහසු කාමභෝගී ජීවන රටාවට විශාල තර්ජනයකි. ඔබේ සිතිවිලි / මනස / නිවාස ඉඩ කඩම් සහ යාන වාහන / කලත්‍රයා සහ ඔහු හෝ ඇය සතු වත්කම් / යනාදිය පීඩාවට පත්වෙයි. රෝග සහ නීතිමය ගැටලු සඳහා අනවශ්‍ය ලෙස ධනය වැය වෙයි. එහෙත් මේ කිසිවකින් ඔබ දොම්නසට පත්විය යුතු නොවේ. සෙනසුරු මෙහිදී ඔබේ ජීවිතයේ සැබෑ තතු වටහා දෙන අතර ඔබ තුළ මෙතෙක් නො තිබුණු උපේක්ෂාව අලෝභය සහ පරිත්‍යාගය පිළිබඳව සාරගර්භ දෘෂ්ටියක් නිර්මාණය කරයි. මේ වසර දෙක හමාරක කාලයේදී ඔබ තුළ හට ගන්නා ආධ්‍යාත්මික වර්ධනය අසමසම වෙයි. එය ඔබගේ මෙලොව පරලොව දෙකටම ප්‍රතිඵලදායක වෙයි. ආගම දහමට ලැදිවෙයි. පියාට ශුභ නැත. පියාගෙන් වෙන්වීමට සිදුවෙයි. අදහස්‌ සඟවාගෙන කටයුතු කරයි. සමාජශීලීවෙයි. ඉගෙනීම් කටයුතුවල යෙදී සිටින අයට යහපත්ය. මහජන ප්‍රසාදයට පත්වෙයි. බලාපොරොත්තු රහිත ලාභ අලාභ දෙකම අත්වෙයි. බුද්ධිමත්ව ක්‍රියා කරයි. අවිවාහකයන්ට විවාහය කටයුතු සිදුවෙයි. අවහිර, අඩුපාඩු මඟ හරවා උසස්‌ දියුණුවකට පත්වෙයි.

මිථුන ලග්නය

ඔබ අයත් වන්නේ විශ්වයේ වායු බල ත්‍රිත්වයට යි. සාම්ප්‍රදායික ජ්‍යොතිෂය අනුව සෙනසුරු ඔබට අති මිතුරු ග්‍රහයකු නොවන මුත් මෙහිදී ඔහු ඔබට ඉටු දෙවියකු ලෙස රැකවරණය සලසයි. ලබන 26 දා ඔබේ ලග්නයෙන් 07 වැන්නට පැමිණෙන සෙනසුරු එහි සිට ඔබගේ කේන්දරයේ 03-07-11 යන අති මිතුරු ප්‍රතිපෝෂක අග්නි ත්‍රිකෝණය උත්තේජනය කරයි. එයින් ඔබ මෙතෙක් නොවුවිරූ බලවත් තත්ත්වයකට පත් කරනු ලැබේ. ඉතා සියුම් ඥානය සහ සහජ කුසලතාවන් / ආත්ම ප්‍රකාශනය / මෙතෙක් ඔබ තුළින් මතු නොවු අන්තර් ඥානය / සමාජයේ ප්‍රසාදය සහ බලවතුන්ගේ ඇසුර / විවාහ ජීවිතයේ කැපී පෙනෙන වෙනස්කම් / අයමාර්ග වර්ධනය / රැකියාවේ හෝ ව්‍යාපාරයේ වේගවත් ප්‍රගතිය / කායික සහ මානසික ප්‍රබෝධය / ආදී සුබඵල රැසක් සෙනසුරු විසින් ඔබට ප්‍රදානය කරනු ලැබේ. මේ වසර තිහකට පසුව නැවත ක්‍රියාත්මකවන චක්‍රයකි. ඒ අනුව මීට වසර තිහකට පෙර ඔබ මුහුණ දුන් අත්දැකීම් ප්‍රතිනිර්මාණය වන බවත් ඔබට ප්‍රත්‍යක්ෂ වේ. ප්‍රසිද්ධියට හා ගෞරවයට පත්වෙයි. ආගම දහමට විශේෂ ලැදියාවක්‌ දක්‌වයි. උෙද්‍යාගය හා එඩිතරකම නිසා මොනම දේකටවත් පසුනොබසී. අවිවාහකයන්ට යහපත් විවාහ සිදුවෙයි. සහෝදරාදීන් සමඟ සමගියෙන් කටයුතු කර ගනී. බලාපොරොත්තු නොවූ පරිදි හදිසි විපත් කරදරද යෙදෙයි. රහසේ සතුරන් සිටිය හැකිය. ආමාශගත අසනීප ඇතිවෙයි.

කටක ලග්නය

ඔබ ඉපදී තිබෙන්නේ විශ්වයේ ජල බල ත්‍රිත්වයට නෑකම් කියමිනි. සාම්ප්‍රදායික ජ්‍යොතිෂය අනුව සෙනසුරු ඔබට මිතුරු ග්‍රහයකු නොවන්නේ ඔහු ඔබේ කේන්දරයේ 07 සහ 08 අධිපතියා වන හෙයිනි. එමෙන් ම සෙනසුරු වායුබල ග්‍රහයකු වන හෙයින් ඔබේ ජන්ම බලය සමඟ ද පෑහීමක් නැත. තවදුරටත් ඔබට සතුරු අග්නි ත්‍රිකෝණය සෙනසුරු විසින් උත්තේජනය කරනු ලබන හෙයින් එයින් ද හටගන්නේ අවාසියකි. එහෙත් අනෙක් ජල බලැති රාශි දෙකට වඩා කටක ලග්නය මෙහිදී වාසනාවන්තය. ඉහත කී සියලු අවාසි අහෝසි කරමින් සෙනසුරු ඔබට මෙවර ජීවිතයේ ලැබිය හැකි උසස්ම ප්‍රතිලාභ ගෙන දෙයි. ඔබේ කේන්දරයේ 06-10-02 යන ස්ථාන උත්තේජනය වෙයි. රැකියාවේ වේගවත් ප්‍රගතිය / ක්‍රියා කෞශල්‍ය වර්ධනය / උසස්ම නිලතල ලැබීම / තැන්පත් ධනය ඉහළ යෑම සහ පවුල් ජීවිතය තෘප්තිමත්වීම / සතුරු සහ රෝග පීඩා දුරුවීම / විදේශ ගමන් සහ ශිෂ්‍යත්ව හිමිවීම / ආදී සුබඵල රැසක් ඔබට නුදුරු අනාගතයේ භුක්ති විඳිය හැකිය.සතුරන් වැඩිවී රහස්‌ සතුරන්ගෙන් කරදරයි. විවාහයට විරුද්ධකරුවන් සිටී. විවාහ ජීවිතයේ සතුට අඩුයි. අවිවාහකයන්ට විරුද්ධවාදිකම් මැද විවාහය කර ගැනීමට සිදුවේ. බොහෝ අවස්‌ථාවලදී තැන්පත් බවින් යුතුව ක්‍රියා කරයි. ආමාශගත ආබාධ තුනටියේ ආබාධ ඇතිවේ. ගැබිනි කතුන්ට ප්‍රසූත දොaෂ ඇති කරයි. දරුවන්ට අපලයි. කපටි සූත්තර දනී. අන්‍යයන් තමාගේ අදහස්‌වලට අවනත කර ගැනීමට උත්සාහ දරයි.

සිංහ ලග්නය

ඔබ අයත් වන්නේ විශ්වයේ අග්නි ත්‍රිකෝණයට ය. සාම්ප්‍රදායික ජ්‍යොතිෂය අනුව සෙනසුරු ඔබට මිතුරු ග්‍රහයකු නොවන්නේ කේන්දරයේ 06 සහ 07 අධිපතියා වන හෙයිනි.එසේ නමුත් ඔබට පසුතැවීමට කිසිදු හේතුවක් නැත. ඔබේ ලග්නයෙන් 05 වැන්නට එන සෙනසුරු ඉතා බලවත් ය. ඊට හේතු වන්නේ ඔබේ කේන්දරයේ අති මිතුරු අග්නි මූල ත්‍රිකෝණය සැමතින්ම උත්තේජනය වන හෙයිනි. පෞරුෂය සහ ආත්ම ශක්තිය / ප්‍රඥා වර්ධනය / දරා ගැනීමේ හැකියාව සහ උපේක්ෂාව / සහජ නිර්මාණාත්මක හැකියාව / අදෘශ්‍යමාන බලවේගයන්ගේ රැකවරණය / විදේශ ගමන් සහ ශිෂ්‍යත්ව හිමිවීම / රැකියාවේ ගුණාත්මක වෙනස්කම් / උසස් සත්පුරුෂ ඇසුර / ආදී සුබඵල රැසක් ඔබට හිමිවෙයි. එහෙත් සතුරු බලවේග සහ රෝග පීඩා යනාදිය සම්බන්ධයෙන් සැලකිලිමත් විය යුතුය. රැකියා ස්ථානයේ ආවේගශීලීවීමද ඔබට අවාසියකි.ඉගෙනීම් කටයුතුවල නියෑළී සිටින අයට බාදක යෙදෙයි. ආගම දහමට කැමතියි. අරපරිස්‌සම වැඩී. ආලය ප්‍රේමය මත විවාහය සිදුකරගනී. පළමු දරුවාට අශුභයි. උරුම හිමිකම් පැරැණි දේපළ නිවාස ලැබීමට වාසනාව ඇත. බැසගත් තීන්දුව වෙනස්‌ නොකරයි. උපක්‍රමශීලීවේ. ඉඩකඩම් දේපළවලින් ආදායම් ලබයි. උෙද්‍යාගය උත්සාහය හොඳින් පවතී.

කන්‍යා ලග්නය

ඔබ අයත් වන්නේ විශ්වයේ පඨවි බල ත්‍රිත්වයටයි. වායු බලැති සෙනසුරු ඔබට මිතුරු ග්‍රහයකු නොවන්නා සේම ඔහු ලබන 26 දා සිට ගමන් කරන්නේ ද ඔබට සතුරු බලැති ගිනිකාරක 04 වැන්නේ ය. එහි සිටින සෙනසුරු ඔබේ කේන්දරයේ 04- 08- 12 යන මර්මස්ථාන උත්තේජනය කරයි. මෙහි ප්‍රතිඵලය වන්නේ ඔබේ සිතිවිලි සහ හැඟීම් උද්වේගකරවීම / ආත්ම සංයමය බිඳීයෑම / හදිසි අනතුරු ආදියට ලක්වීමේ ඉඩ ඉහළ යෑම / නීතිමය ගැටලු හිස එසවීම / ධන හානිය / දූ දරුවන් ආශ්‍රිත පීඩනය තීව්‍රවීම / සියලු සැලසුම් සහ ක්‍රියාමාර්ග කඩාකප්පල්වීම / යනාදී ඍණාත්මක ප්‍රතිඵල බහුලවීමය. මෙහි ප්‍රතිඵලය වන්නේ ඔබේ සිතිවිලි සහ හැඟීම් උද්වේගකරවීම / ආත්ම සංයමය බිඳීයෑම / හදිසි අනතුරු ආදියට ලක්වීමේ ඉඩ ඉහළ යෑම / නීතිමය ගැටලු හිස එසවීම / ධන හානිය / දූ දරුවන් ආශ්‍රිත පීඩනය තීව්‍රවීම / සියලු සැලසුම් සහ ක්‍රියාමාර්ග කඩාකප්පල්වීම / යනාදී ඍණාත්මක ප්‍රතිඵල බහුලවීමය. මේ අප්‍රසන්න අත්දැකීම්වල මූලාශ්‍රය වන්නේ ඔබේ කේන්දරයේ 04 වැන්න හෙවත් මනස සහ සිතිවිලිය. එසේ නම් ගැටලුව හට ගන්නේ පිටස්තර හේතු සාධක නිසා නොව ඔබේම අභ්‍යන්තරයෙන් බැව් මනාව තේරුම්ගත යුතුය. එතැන පාලනය කැර ගතහොත් අනෙක් තැන්ද ඉබේටම පාලනය වෙයි. ඒ අනුසාරයෙන් ඔබට එල්ලවිය හැකි බොහෝ පීඩාවන් අවම කැරගත හැකිය. ජීවිතයේ අවුල් සහිත කටයුතුවලට යොමුවේ. ලෞකික සැප සම්පත් ලැබීමට ඉඩක්‌ නොලැබේ. ආගමික කටයුතුවලට වඩාත් නැඹුරු වෙයි. ආධ්‍යාත්මික අංශයට බර වැඩී. කොයි කා සමගත් සහයෝගයෙන් කටයුතු කර ගනී. ඉක්‌මන් තීරණ නොගනී. කොයිකාටත් ඇහුම්කන්දෙයි. බාල සහෝදරාදීන්ට අගතියි. ඉගෙනීම් කටයුතුවල යෙදී සිටින අයට ශුභයි.

තුලා ලග්නය

ඔබ අයත්වන්නේ විශ්වයේ වායුබල ත්‍රිත්වයටයි. වායු බලැති සෙනසුරු ඔබට අති මිතුරු ග්‍රහයෙකි. ලබන 26 දා සිට ඔහු ඔබේ ලග්නයෙන් 03 වැන්න වූ බලවත් ප්‍රතිපෝෂක රාශිය වූ ධනුවේ ගමන් කිරීම ඔබට අතිශය සුබදායක ය. ඔබේ ජීවිතයේ බාහිරින් ලැබෙන සියලු බලපෑම් මෙතැන් සිට ධනාත්මක පැත්තට පරිවර්තනය කෙරෙනුයේ කේන්දරයේ 03-07-11 යන අති මිතුරු ප්‍රතිපෝෂක ත්‍රිකෝණය ඉතා බලවත්ව උත්තේජනය වන හෙයිනි. සහජ හැකියාවන් සහ අන්තර් ඥානය වැඩි දියුණුවීම / විවාහය සහ සමාජ සම්බන්ධතා යහපත්වීම / බලවත් අයගේ සමීප ඇසුර / හවුල් ව්‍යාපාර / අයමාර්ග දියුණුව / ආදී වශයෙන් සෑම සියලු අංශයකින් ම ඉදිරි කාලය ඔබට සුබදායක වෙයි. මේ ඔබේ ජීවිතයේ ස්වර්ණමය කාල පරිච්ඡේදය බව අමතක නොකරන්න. ආගම දහමට විශේෂ කැමැත්තක්‌ දක්‌වයි. තමාගේ දක්‍ෂතාවක්‌ සමාජයට පෙන්වයි. සමාජයෙන් ගෞරවයට කීර්තියට පත්වෙයි. අධ්‍යාපන කටයුතුවල නිරත අයට ඉතා ශුභයි. උපක්‍රමශීලීවෙයි. වැඩට දක්‍ෂයි. අන් අය තමාගේ වසඟයට හරවා ගනී. දේපළ ඉඩම් සඳහා මුදල් ආයෝජනය කරයි. විවාහ ජීවිතය සතුටින් ගෙවයි. වාසනාවන්ත දරුවන් ලැබෙයි.

වෘශ්චික ලග්නය

ඔබ අයත්වන්නේ විශ්වයේ ජල ත්‍රිත්වයටයි. සෙනසුරු ඔබට මිතුරු ග්‍රහයෙක් නොවේ. එසේම ඔහු ලබන 26 දා සිට ගමන් කරන්නේ ද ඔබට සතුරු ගිනිකාරක ධනු රාශිය වූ දෙවැන්නේය. එහි තැන්පත් සෙනසුරු ඔබේ කේන්දරයේ 02-06-10 යන මර්මස්ථාන උත්තේජනය කරයි. මෙය ඔබට එතරම් යහපත් තත්ත්වයක් නොවේ. කුටුම්භය සහ තැන්පත් ධනය / රෝග සහ සතුරු පීඩා / රැකියාව සහ අයමාර්ග / යනාදිය සම්බන්ධයෙන් අහිතකර වාතාවරණයක් නිර්මාණය වේ. සාම්ප්‍රදායික ජ්‍යොතිෂය අනුව සෙනසුරු ඔබේ ලග්නයෙන් 03 සහ 04 අධිපතිවන අතර ටොලමියන් විග්‍රහය අනුව ද එකී ස්ථාන දෙක අතරින් 04 වැන්න වඩාත් සතුරුය. ඔබේ මව් පාර්ශ්වය සහ සහෝදර පාර්ශ්වය ආශ්‍රිත පීඩාවක් නීවේදනය කරයි. කෙසේ නමුත් මේ ඍණාත්මක බලපෑම්වල මූලාශ්‍රය වන්නේ 02 වැන්න හෙවත් ඔබේ කට සහ කතාවය. එය පාලනය කැරගත හැකිනම් අනෙක් තැන්වලින් එන පීඩාවන් ඉබේටම අවම වේ. සෙනසුරු ඒරාෂ්ඨකය ලබයි. ආගමික කටයුතුවල යෙදෙයි. උසස්‌ දේවල් ගැන කතා කරයි. අන්‍යයන්ට හිරිහැර නොවන ලෙස කටයුතු කරගනී. ඇවිදිලි ගමන් බිමන් වැඩි දුර බැහැර පළාතක පදිංචිය සිදුවිය හැකිය. විදේශ ගමන් පවා යෙදීමට පුළුවනි. පියාගෙන් වෙන්වී කටයුතු කරයි. තම අදහස්‌ පරිදිම කටයුතු කරයි. ඉඩම් දේපළ පිළිබඳව නඩු හබවලට පැටලීමට පුළුවනි. හදිසි අනතුරුවලට ලක්‌වෙයි.

ධනු ලග්නය

ඔබ අයත් වන්නේ විශ්වයේ අග්නි ත්‍රිකෝණයටයි. සෙනසුරු ඔබට මිතුරු වායුබල ග්‍රහයෙකි. ලබන 26 දා සිට ඔහු ඔබේ ලග්නය මතින් ගමන් කරයි. ඒ සමඟ ම ඔබේ කේන්දරයේ 01-05-09 යන මූල ත්‍රිකෝණය ඉතා ප්‍රබලව උත්තේජනය වේ. එහි ප්‍රතිඵලයක් ලෙස ඔබේ පෞරුෂය සහ ආත්ම ශක්තිය / දරාගැනීමේ හැකියාව සහ බලවත් උද්යෝගය / සහජ නිර්මාණාත්මක හැකියාව සහ ප්‍රඥා වර්ධනය / ආධ්‍යාත්මික දියුණුව සහ අදෘශ්‍යමාන බලවේගයන්ගෙන් රැකවරණය ලැබීම / උසස් සහ ගුණවතුන්ගේ ඇසුර / විදේශ ගමන් සහ ශිෂ්‍යත්ව ලැබීම / ආදී වශයෙන් සුබඵල රැසකට උරුමකම් කියයි. සාම්ප්‍රදායික ජ්‍යොතිෂය අනුව සෙනසුරු ලග්න ඒරාෂ්ටකය යැයි කියන මුත් මෙහිදී සෙනසුරු ඔබේ ලග්නයට පැමිණීම ඉතා සුබදායකය. එයින් අත්වන එකම පීඩාව නම් වෙහෙස නොබලා කිසියම් අරමුණකට කැපවීමට සිදුවීම නිසා ලෞකික ජීවිතයේ සුඛවිහරණය හීනවීමය. හොදින් හෝ නරකින් තම ක්‍රියාකලාපය පවත්වා ගෙන යන දඩබ්බර ගතිය ඉන් ඇතිවන තවත් අතුරු විපාකයකි. එහෙත් එය දිගුකාලීනව වාසිදායක වෙයි.ශනි ලග්න ගතව සිටී. දුක සැප දෙකම එක සේ විඳ දරාගනී. ආගමික කටයුතුවල යෙදෙයි. කරන කියන දේවල් එළිපිටම කරයි කියයි. තැන්පත් බවින් හා ඥනවන්ත බවින් යුතුව වැඩපළ කරගනී. කාර්මික කටයුතුවල නියෑළී සිටින අයට ශුභයි. දරුවන්ට අපලයි. ගුප්ත රහස්‌ කටයුතුවලට දක්‍ෂයි. වෛද්‍ය සේවයේ නිරත අයට ශුභයි.

මකර ලග්නය

ඔබ අයත් වන්නේ විශ්වයේ පඨවි ත්‍රිත්වයට ය. අනෙක් පඨවි ලග්නවලට සෙනසුරු සතුරුවන මුත් මෙහිදී එය සම්පූර්ණයෙන් අහෝසි වෙයි. ඒ අනුව සෙනසුරු ඔබට මිතුරු වන්නේ ඔහු ලග්නාධිපතිවීම නිසා පමණක් නොව ඔබේ ලග්නය සතු චර සහ රජස් යන වේගය සහ ගුණය වායුකාරක බලයට මැනවින් ගෝචරවන හෙයිනි. ලබන 26 දා සිට සෙනසුරු ගමන් කරන්නේ ඔබේ ලග්නයෙන් 12 වැන්න වූ සතුරු ගිනිකාරක ධනුවේ ය.එහි තැන්පත් සෙනසුරු ඔබේ කේන්දරයේ 12- 04-08 යන මර්මස්ථාන උත්තේජනය කරයි.මෙහි ප්‍රතිඵලයක් වශයෙන් ධන හානි සහ නාස්තිය / නීතීමය ගැටලු මතුවීම සහ පිළිසරණක් නැතිවීම / රැකියාවේ ගැටලු සහ ස්ථාන මාරු / ගෘහ ජීවිතය සහ මනස පීඩාවීම / අනපේක්ෂිත කරදර සහ අනතුරු මතුව ඒම / සියලු සැලසුම් කඩාකප්පල්වීම / ආදී ඍණාත්මක බලපෑම් රැසක් ඔබ වෙත ළඟාවෙයි. මේ සියලු අහිතකර පිඩනවල මූලාශ්‍රය වන්නේ ඔබේ කේන්දරයේ 12 වැන්නය. එතැන පීඩාව දුරු කැරගත හැකිනම් අනෙක් තැන්වලින් එන පීඩාව පාලනය කළ හැකිය. 12 වැන්නේ පීඩනය දුරු කිරීමට නම් ඔබ දේවල් අතහැරීමට සහ උපේක්ෂාවට හුරුවිය යුතුය. ශනි 12 සිටීමද ඒරාෂ්ඨක කාලයයි. ආගමික කටයුතුවල නියෑළෙයි. අසරණ අයට පිහිටවෙයි. දුරබැහැර අයගේ ආශ්‍රය ඇතිකර ගනී. රේස්‌ සූදු ආදියට සිත්දෙයි. වැඩ කිරීමට කැමති නැත. එහෙත් සමාජ සේවා කටයුතු ප්‍රියකරයි. ආදායම් තත්ත්වය යහපත්වේ. කොතරම් කරදර බාධක අභියෝග ආවත් ඒවා මැ`ඩගනී. තමාගේ වැඩකටයුතු ගැන අන් අයගේ ප්‍රසාදය අඩුවෙයි.

කුම්භ ලග්නය

ඔබ අයත්වන්නේ විශ්වයේ වායු ත්‍රිත්වයට ය. වායු බලැති සෙනසුරු ඔබට ඉතා සුබදායක වෙයි. සාම්ප්‍රදායික ජ්‍යොතිෂයේදී සෙනසුරු ඔබේ ලග්නාධිපති ලෙස සලකන අතර ලබන 26 දා සිට සෙනසුරු ගමන් කරන්නේ ඔබේ ලග්නයෙන් 11 වැන්න වූ අති මිතුරු ධනු රාශියේ ය. ඒ සමඟ ම ඔබේ කේන්දරයේ සියලු සුබඵල උදා කරන 11-03-07 යන ප්‍රතිපෝෂක අග්නි ත්‍රිකෝණය ඉතා බලවත්ව උත්තේජනය වෙයි. මෙහි ප්‍රතිඵලය වන්නේ සෑම සියලු අංශයකින්ම පාහේ ඔබ විශිෂ්ටයකු බවට පරිවර්තනය වීමයි. රැකියාව සහ ව්‍යාපාර අංශයේ අයමාර්ග වේගයෙන් වර්ධනය වීම / සහජ කුසලතාවන් සහ අන්තර් ඥානය දියුණුවීම / සමාජ සම්බන්ධතා සහ හවුල් ව්‍යාපාර සාර්ථකත්වය / ආදී වශයෙන් එහි සුබඵල ගෙන දෙයි. කුම්භ ලග්නයෙන් උපන් ඔබට මෙවැනි ස්වර්ණමය අවස්ථාවක් නැවත උදාවන්නේ තවත් වසර 30 කට පසුව බව අමතක නොකරන්න. ඔබගේ සියලු කටයුතු නිරුත්සාහයෙන් සාර්ථකත්වයට පත්වෙයි.ආදායම් තත්ත්වය යහපත් වෙයි. පිරිස්‌ බලය ලබයි. නොබියව සමාජ කටයුතුවලට ඉදිරිපත්වේ. කරන කියන දේවල් එළිපිටම කියයි. ප්‍රසිද්ධියේම කරයි. සමාජයෙන් ගරු සැලකිලි හිමිවෙයි. ඉගෙන ගන්නා අයට යහපත්ය. ඥන ශක්‌තිය ධාරණ ශක්‌තිය හොඳින් පවතී. පියාගෙන් දේපළ ලබයි. අරපිරිමැස්‌ම පවතී. විවේකයක්‌ නැති තරමට වැඩවල යෙදෙයි.

මීන ලග්නය

ඔබ අයත්වන්නේ විශ්වයේ ජල ත්‍රිත්වයටයි. ලබන 26 දා සිට සෙනසුරු ඔබේ ලග්නයෙන් 10 වැන්න වූ ඔබට සතුරු ගිනිකාරක ධනු රාශියේ ගමන් ගනී. කෙසේ නමුත් 10 වැන්නේ සිටින සෙනසුරු අන් අයට මෙන් ඔබට විපතක් කරන්නේ නැත. ඔහු ඔබේ කේන්දරයේ 10-02-06 යන සතුරු මර්මස්ථාන උත්තේජනය කරයි.

මෙහි ප්‍රතිඵලයක් ලෙස ඔබේ ජීවිතයේ දැවැන්ත පරිවර්තනයකට මුල පුරයි. ඒ අතරින් කැපී පෙනෙන්නේ රැකියාව – වෘත්තීය හෝ ව්‍යාපාර කර්මාන්ත යනාදියයි. දැළි පිහියෙන් කිරි කෑමටත් වඩා අති දුෂ්කර අභියෝග රැකියාව ආශ්‍රිතව මතුවෙයි. ඒවා මගහැර යා නොහැකි ය. මේ අවදානම ජයගැනීමට ඔබට හැකියාව තිබේ. එහෙත් ඒ සඳහා 10 වැන්නේ පීඩනය මැනවින් පාලනය කැරගත යුතුය. ඒ සඳහා තිබෙන්නේ එකම ක්‍රමයක් පමණි. එනම් ඔබේ වගකීම සහ කාර්‍ය භාරය අකුරටම ඉටු කිරීම පමණි.

ගුණවත් හා යහපත් අයකු ලෙස ප්‍රසිද්ධියට ගෞරවයට පත්වෙයි. ආගමික කටයුතු අගය කරයි. අන් අයට ආදර්ශමත්ව කටයුතු කරයි. දේශපාලන කටයුතුවල නියෑලෙයි. පාලන කටයුතුවලට දක්‍ෂයි. උපක්‍රම දනී. දුර බැහැර ගමන් බිමන් යෙදෙයි. කතාවෙන් ජයගනී. ප්‍රධානීන්ට හෝ රජයට හෝ විරුද්ධව කටයුතු කරයි. එහෙත් බලවත් උසස්‌ මිත්‍රයන් සිටී.

තොරතුරු කේ.සී.ජේ.රත්නායක මහතාගෙන්